Fortnite porfin ta bay yega riba Nintendo Switch, esaki ta bin volgens un leaked E3 document cu ta mustra basta berdad. E no ta duidelijk ainda, si e ta bay ta e Battle Royale mode so, of si e ta bay ta e full “early access” game.

E document, a wordo poni riba 4chan door di un hende cu a bisa cu e ta parti di e E3 showroom planning. E number cu bo ta wak riba e pic ta cuanto booths Nintendo a order pa tal wega. Mayoria biaha, multiplayer games lo haya mas booth cu single player games. Fortnite, Mario Tennis Aces y FIFA’19 tin mas cu 6 booths.  Otro weganan cu nos por wak den e leak aki ta Paladins, Dragon Ball FighterZ, Killer Queen Black y Overcooked 2.

Awo, esaki ta un leak cu a aparece riba 4chan, dus e tin chens basta grandi cu e por ta fake. Pero esaki ta klop si cu otro rumornan cu ta bin di Epic Games mes cu nan tabata testing Fortnite riba Switch y cu mas sigur nan lo release e despues cu nan caba cu e android version (cual e tempo ey tambe tabata rumors).

Fortnite a bira un di e weganan mas popular y ta obtenibel riba casi tur platforms. Ta e switch so falta. Si e wega por run riba iOS y awo tambe riba Android. Pa e run riba e Switch no lo ta un big deal e orey.

Pin It on Pinterest