Tin varios cambionan ta pasando den Sony su HQ cu ta trece speculacion cu PlayStation 5 ta yegando serca. Asina serca cu nos por wak e PS5 dentro 2 aña. Si no ta 2019, nos lo wak e den 2020. Dicon nos ta kere esaki?

Pa prome: E lifecycle ta yegando su fin pa e PS4

PlayStation su prome console a sali na 1994, despues na 2000 nan a saca PS2, na 2006 PS3 a sali y 2013 PS4. Dus PlayStation su life cylce ta entre 6 cu 7 aña y otro pa 2020, PS4 lo haci 7 aña caba. Dus esey lo ta net e temporada pa Sony introduci e Next gen console.

Dos: Sony ta trahando riba un hardware nobo caba

Ultimamente Sony a laga sa cu nan ta trahando cu AMD nan Ryzen CPU tech pa asina mehora e Zen core’s micro-architecture support dentro e LLVM compiler stack. Den otro palabra, nan ta trahando riba un tool similar cu a wordo uza den ePS4 development enviroment. Pero nos sa cu PS4 mes no ta uza ningun Ryzen processor, dus e chens ta grandi cu nan e tech nobo aki lo wordo uza den e PlayStation 5 cosnole.

Tres: Sony a admiti cu e PS4 a drenta su ultimo phase.

E president di Sony Interactive Entertainment a bisa poco dia pasa cu e PS4 a drenta e ultimo phase di su bida. Asina mes John Kodera a bisa cu e PS4 a cuminsa di “run out of stock” y nan ya verwacht cu e sales tambe lo cuminsa baha. E la laga sa si cu nan lo keda focus riba first party games, pero cu nan focus lo cuminsa shift pa otro cosnan….mi ta guess e PS5?

Dus kico lo pasa awo?

Conociendo e patterns di Sony cu e tech cu ta obtenibel awo. E aña aki nos no lo scucha nada “oficial” di e PS5. Na 2019 nos lo scucha of wak e prome teasers di PS5 durante E3 di e aña ey. Na 2020, mas sigur durante E3 tambe, nos lo wak e full reveal di e next gen console. PS5 e orey lo release entre november cu december di 2020.

Pin It on Pinterest