Despues di e Call of Duty 4: Modern Warfare’s Remastered un par di aña pasa, hopi fans a pensa cu e remaster di Modern Warfare 2 tambe lo ta na caminda. Pero te ainda nada oficial a wordo menciona di e remake aki.

Awo ta parce cu cos lo cambia paso tin raport nobo cu a sali cu a cuminsa indica cu MW2 Remastered porfin lo ta na caminda.

E prome raport ta di un Call of Duty enthusiast site CharlieIntel, cu despues a wordo confimra door di Eurogamer, cu e Modern Warfare 2 Remastered ta den development y lo ta hopi mas barata cu Modern Warfare Remastered. Eurogamer y CharlieIntel a bisa cu MW2 Remastered lo costa rond di $25 of €20, terwijl Modern Warfare Remastered ta costa $40.

Den e raport tambe nan ta menciona cu e wega aki no lo tin un multiplayer mode y ta pesey e prijs lo ta mas abou. E no ta haci hopi sentido dicon Activision lo exclui e multiplayer. Pero si bo pense bon, Call of Duty su popularidad ta danki na e multiplayer mode y e aña aki nan lo saca Black Ops 4, dus nan no lo kier competi cu nan mesun franchise.  

Corda cu Amazon tambe a yega di leak cu Modern Warfare Remastered lo lansa aparentemente dia 30 di april, dus hopi mas trempan cu Black Ops 4’s su lansamento den oktober e aña aki pa e PS4 y Xbox One.

Pin It on Pinterest