Microsoft su Kinect sensor, cu a cuminsa bende desde Xbox 360 ta oficialmente morto. Microsoft a anuncia cu nan a stop di traha e Kinect sensor, anto esunan cu tin ainda pa bende riba retail lo ta e ultimo nan paso nan no tin mas, y no ta bay ship mas tampoco. Dus si bo echt ta interesa pa cumpra uno, esaki ta bay ta bo ultimo chens pa haya un nobo.

E noticia aki ta bin for di e Kinect creator mes Alex Kipman y Xbox Devices Marketing GM, Matthew Lapsen durante un interview cu Fast Company. Den e interview tambe nan a laga sa cu e support pa e Kinect pa esnan cu tin’e, si ta bay sigui pa awo.  

Prome biaha cu nos a wak e Kinect tabata durante E3 di 2009, ora e tempo ey e tabata conoci como Project Natal. Durante e presentation nan a mustra diferente (overhyped) features di e Kinect cu na final e no tabata tin. Pavia esey, e Kinect no tabata bon ricibi riba e Xbox 360, y pio ainda ora nan a purba forsa tur hende cumpra uno ora e Xbox One a sali cu un bundle cu lo a costabo $500,-. Paso e kinect tabata inclui, nan lo mester laga e Xbox One pa ta un “alway online” system. Mane bo por a verwacht, e decision aki a crea un backlash pisa, y a end up a daña e reputacion di Microsoft su Xbox brand e tempo ey. Despues di e backlash aki Microsoft a dicidi di separa e Kinect di e Xbox One y di eynan poco poco e Kinect a cuminsa muri.

Despues di esaki Microsoft a release e Xbox One S sin e port necesario pa support e Kinect, si bo tabata kier a uza un Kinect riba bo Xbox One S, bo lo mester a cumpra un adapter apart cu lo costabo un $50 extra y pa e upcoming Xbox One X lo ta mesun cos.

Kinect na final tabata mas uza pa non gaming application mane Netflix, pero maske awo cu e device mes ta morto, e technologia cu tin den dje lo sigui biba den device cu lo power Microsoft su HoloLens augmented reality.

Pin It on Pinterest