Playerunkown’s Battlegounds cu a sali luna pasa a bira un hit dibiaha riba steam y ainda su popularidad ta sigui crece. E developer di wega, Bluehole a anuncia awe cu e wega a pasa un milestone importante pa nan cual ta bende 2 miyon copias di e wega. Pa celebra e milestone aki, nan lo bay haci un livestream event dia 4 di mei, pa asina recauda fundo pa e charity group, Gamer’s Outreach.

Bluehole lo match te cu $100,000 den donation durante e live event. E CEO di Bluehole Gang-Seok Kim a bisa den un statement cu un di e rasonnan mas grandi di yega na e milestone aki ta door di nan dedicated community cu ta yuda nan hopi pa mehora Playerunknown’s Battlegrounds. Esaki ta un manera cu nan lo kier duna back na nan community.

 

Playerunknown’s Battleground ta un competitive survival game cu tin un following basta grandi y cu ta sigui crece. E ta un wega cu ta birando hopi popular tambe dentro e gaming communities di Aruba, Curacao y Bonaire. Te awo e wega aki ta na di 3 luga di most active players riba steam, e prome cu di dos ta Dota 2 y CS:GO. E wega aki ta solamente optenibel riba PC, pero Bluehole ta trahando pa trece e wega aki riba PS4 y Xbox One tambe.

Ki boso ta pensa di Playerunknown’s Battleground? Boso ta hung’e tambe hopi? Laga’mi sa den e comment section akibou, y mane semper, danki pa lesa.

Pin It on Pinterest